Përplasje mes të miturve në një shkollë në Durrës, përfshihen në sherr disa nxënës

Një konflikt mes të miturish është regjistruar në një shkollë në Shënavlash të Durrësit.

Sipas informacioneve paraprake, rreth 5 deri në 6 nxënës janë përfshirë në një përplasje mes tyre brenda ambienteve të shkollës. Në momentin e incidentit ka ndërhyrë oficeri i sigurisë së institucionit arsimor për të qetësuar situatën.

Më pas është njoftuar edhe policia, e cila po verifikon rrethanat e ngjarjes dhe personat e përfshirë.

Njoftimi i policisë

Durrës/Informacion paraprak

Rreth orës 09:30, në shkollën e fshatin Shënavlash, janë konfliktuar fizikisht me njëri-tjetrin disa nxënës të moshave 15, 16 dhe 17 vjeç. Me ndërhyrjen e mënjehershme të oficerit të sigurisë dhe stafit pedagogjik, është parandaluar përshkallëzimi i konfliktit. Nga konflikti është dëmtuar lehtë një 15-vjeçar.

Shërbimet e Policisë, me marrjen e njoftimit, kanë shkuar menjëherë në ambientet e shkollës dhe i kanë shoqëruar të miturit në ambientet e Komiariatit të Policisë, për veprime të mëtejshme.

Të gjitha veprimet po kryhen në drejtimin e Prokurorisë, në prani të psikologut, përfaqësuesit ligjor, oficerit të sigurisë, përfaqësuesit të stafit pedagogjik dhe prindërve të nxënësve.