Përplasje para Parlamentit, Flamur Noka i hedh miell gardistëve

Deputeti i Partisë Demokratike, Flamur Noka, ka hedhur miell në drejtim të gardistëve të Gardës së Republikës, që ndodhen në hyrje të Kuvendit për të mos lejuar hyrjen e deputetëve të përjashtuar.

Miell Noka ka hedhur edhe ndaj sekretarit të përgjithshëm të Kuvendit, Genc Gjonçaj.

Kujtojmë se opozita prej disa kohësh ka bllokuar punimet në Kuvend, duke bllokuar foltoren dhe duke i rënë bilbilave.

Ditën e sotme në Kuvend mbahet seanca ku pritet të miratohet ligji për lojërat e fatit online, çka ka nxitur reagime të forta te opozita, por edhe te opinioni publik.

Kjo pasi bastet sportive u ndaluan me ligj disa vite më parë nga vetë qeveria e Kryeministrit Edi Rama.

LEXONI GJITHASHTU:

• Tensionet në Kuvend, përjashtohen nga seancat 4 deputetë të PD
• Lulzim Basha depoziton në Kuvend amendamentin për strategjinë e sigurisë kombëtare