Përplasje për avionin e rrëzuar, 700 ditë nga pushtimi, Zelensky akuza Rusisë

Vëzhguesit ndërkombëtarë e kanë pasur të pamundur të verifikojnë se çfarë ndodhi në Rusi, ku një avion me 65 të burgosur ukrainas lufte u rrëzua të mërkurën.

Deri tani, në vendin e ngjarjes kanë qenë vetëm oficerët e forcave ruse të sigurisë, të cilët janë përpjekur të mbledhin prova dhe të nxjerrin viktimat nga rrënojat.

Këshilli i Sigurimit të OKB-së do të mbajë një takim me dyer të mbyllura për Ukrainën, pas një kërkese të ministrit të Jashtëm rus Sergei Lavrov, i cili akuzon Kievin për rrëzimin e avionit, ku ndodhej edhe ekuipazhi rus.

E mërkura shënoi edhe 700 ditë që nga nisja e pushtimit rus. Presidenti Volodymyr Zelensky e dënoi agresionin duke thënë: “Është e qartë që rusët luajnë me jetët e të burgosurve ukrainas dhe emocionet e shoqërisë sonë”.

Më herët, ekipe të shpëtimit rikuperuan trupin e një vajze 8-vjeçare nga rrënojat e një godine të lartë që u shkatërrua si pasojë e bombardimeve.