Përshtati lokalin për lojëra fati, arrestohet pronari

Një 31-vjeçar është arrestuar nga policia këtë të hënë në kryeqytet, pasi kishte përshtatur lokalin e tij për ushtrimin e aktivitetit të kundërligjshëm të lojërave të fatit.

Shtetasi L. V., u arrestua në flagrancë për veprat penale “Vënia në dispozicion e lokaleve për lojëra të palejuara”, “Organizimi i lotarive të palejuara” dhe “Fshehja e të ardhurave”.

Gjatë kontrollit të ushtruar nga shërbimet e Policisë, në ambientet e lokalit, në rrugën “Fehmi Ibrahimi”, në Shkozë, në aparatin e tij celular, iu gjetën programe për lojëra fati dhe të dhëna të ndryshme për vendosjen e basteve sportive.

Në cilësinë e provës materiale u sekuestrua aparati celular që dyshohet se përdorej për ushtrimin e aktivitetit të lojërave të fatit.

LEXONI GJITHASHTU

• Përshtati lokalin për drogë, në pranga menaxheri dhe klienti i lokalit
• Përshtati lokalin për të shitur kokainë, arrestohet pronari dhe 2 të tjerë