Përzgjedhja e anëtarëve në KLP e KLGJ, reagon Ambasada e SHBA: Po ndjekim procesin!

Ambasada e Shteteve të Bashkuara të Amerikës në Tiranë ka reaguar për zgjedhjen e anëtarëve nga radhët e avokatëve në Këshillin e Lartë të Prokurorisë.

Përmes një postimi në rrjetet sociale, Ambasada e SHBA-ve thotë se ky proces duhet të zgjedh kantidatët më të kualifikuar, duke dalë kundër zgjedhjes me short të anëtarëve.

Po ashtu Ambasada e SHBA-ve thekson se mbeten të përkushtuara për të mbështetur Shqipërinë në luftën kundër korrupsionit.

“Ambasada Amerikane po ndjek nga afër procesin e sotëm të Nënkomisionit parlamentar për përzgjedhjen e anëtarëve avokatë në Këshillin e Lartë të Prokurorisë dhe Këshillin e Lartë Gjyqësor.

Shtetet e Bashkuara presin që ky proces të rezultojë në përzgjedhjen e kandidatëve më të kualifikuar me nivelet më të larta të profesionalizmit, integritetit dhe pavarësisë – gjë që mund të sigurohet vetëm nga përzgjedhja aktuale e kandidatëve nga Nënkomiteti në vend që t’i drejtohet rastësisë përmes tërheqjes së shumë.

Shtetet e Bashkuara mbeten të përkushtuara për të mbështetur Shqipërinë teksa ajo lufton korrupsionin, forcon institucionet e saj të drejtësisë dhe mbështet shtetin e së drejtës”, thuhet në postimin e Ambasadës.