Peshëngritësi Daniel Godelli rezulton me doping, rast i përsëritur apo keqkuptim?

Peshëngritësi Daniel Godelli, i cili mori pjesë në Europianin e 2023, ka rezultuar me doping. Në bazë të asaj që shprehet Agjencia Ndërkombëtare e Testimeve ITA, në testin e kryer (19 prill 2023, periudhë kjo kur ai ishte pjesë e kombëtares në Kampionatin Europian që asokohe po mbahej në Jerevan të Armenisë) rezulton se Godelli ka përdorur SARM.

SARM është një ilaç që është kimikisht i ngjashëm me steroid anabolik dhe ndihmon në rritjen e masës muskulore të skeletit e cila zvogëlohet me moshën. Individët janë në gjendje të funksionojnë më aktivisht pasi SARM ndihmon në plotësimin e humbjes së fibrave muskulore të tipit 2 dhe ndërton forcën e trupit.

Sikur mos të mjaftojë momenti i vështirë në aspektin e rezultateve, me Shqipërinë që nuk ka aktualisht asnjë peshëngritës brenda normës olimpike për “Paris 2024”, shtanga kuqezi vijon të njolloset nga skandalet e dopingut.

Daniel Godelli ka fituar rreth 50 medalje dhe ka ngritur lart flamurin kuqezi.

Më herët edhe Romela Begaj, është dënuar për herë të dytë nga Federata Botërore për doping. Ajo mori dënimin me 8 vite nga Federata Botërore e Peshëngritjes. Begaj rezultoi për herë të dytë përdoruese e substancës ‘Stanozolo’.

LEXONI GJITHASHTU:

• Aksident në Tiranë, makina përplas motorin, 2 të rinj përfundojnë në spital
• “Shërbëtor i qeverisë”, Çoçoli debat me Telitin: Lëri teoritë konspirative