Peskov: Evropa po pengon përpjekjet e Trump për paqe në Ukrainë

Kremlini shprehu qëndrimin e tij se fuqitë evropiane po pengojnë përpjekjet e presidentit amerikan, Donald Trump për të arritur paqen në Ukrainë. Zëdhënësi i Kremlinit, Dmitry Peskov u tha gazetarëve se partia evropiane e luftës vazhdon të pengojë përpjekjet e SHBA-së dhe Rusisë në Ukrainë.

Peskov tha se Rusia i është mirënjohëse Trumpit për këto përpjekje dhe se Moska do të vazhdojë luftën të cilën e cilësojnë si operacion special ushtarak. Ai shtoi se lufta do të vijojë pasi deri më tani nuk kanë parë lëvizje reciproke nga Ukraina për paqe.

Nga ana tjetër presidenti ukrainas Volodymyr Zelenskyy u shpreh se
Ukraina po planifikon sulme të reja thellë në Rusi pas javësh sulmesh të intensifikuara ndaj aseteve energjetike ruse.

“Ne do të vazhdojmë operacionet tona aktive në mënyrën e duhur për mbrojtjen e Ukrainës. Forcat dhe burimet janë përgatitur. Janë planifikuar gjithashtu sulme të reja me rreze të gjerë veprimi”, tha Zelenskyy në X pas takimit me gjeneralin e lartë të Ukrainës, Oleksandr Shirsky.

LEXONI GJITHASHTU:

• Peskov: Edhe pas sulmeve të Kievit jemi të interesuar për dialog
• Peskov komenton vendimin e Trump për lëvizjen e anijeve bërthamore: Nuk ka fitues