Petkoviç: Serbët respektojnë KFOR-in dhe EULEX-in, por s’duhet t’i heqin barrikadat

Drejtori i Zyrës për Kosovën në qeverinë e Serbisë, Petar Petkoviç deklaroi se populli serb në Veri e respekton KFOR-in dhe EULEX-in, por sipas tij, nuk është detyrë e tyre të heqin barrikadat.

Petkoviç thotë se çështja duhet të zgjidhet përmes dialogut, shkruan N1.

“Ne nuk kemi asgjë kundër që ata të jenë në veri të Kosovës, ata duhet të jenë atje dhe të mbrojnë popullin serb. Ata nuk janë aty për të hequr barrikadat dhe deklarata e komandantit të KFOR-it është e mirë se çështja duhet të zgjidhet me dialog, asgjë me dhunë, asgjë si ajo që po kërcënon Albin Kurti”, tha Petkoviç.

Në përgjigje të njoftimeve të zyrtarëve të Kosovës se do të heqin barrikadat nëse KFOR-i dhe EULEX-i nuk e bëjnë këtë, Petkoviç nënvizoi se Kurti “nuk duhet të luajë me kokat serbe”.

Ndërsa, kryeministri i Kosovës, Albin Kurti u shpreh se nuk mund të tolerojnë pafundësisht barrikadat e vendosura në Veri.

Gjatë një konference për mediat në Prishtinë, Kurti u shpreh se KFOR-i ka kërkuar kohë për heqjen e barrikadave, por tanimë kanë kaluar dy javë nga momenti kur u vendosën.

LEXONI GJITHASHTU

• Kurti për barrikadat në Veri: Nuk do të tolerojmë pafundësisht
• Protestë në Prishtinë kundër Gjykatës Speciale pas dënimit të Salih Mustafës
• Shpërthen një sasi eksplozivi në veri të Mitrovicës