Është pezulluar nga detyra nënkomisari me inicialet T.I., në Fier, pasi akuzohet se ka shpërdoruar detyrën dhe për korrupsion pasiv.
Ai dyshohet se ka favorizuar shpërndarës të lëndëve narkotike duke mos i arrestuar ata.
Ndaj tij janë marrë masat e sigurisë “Ndalim për të dalë jashtë shtetit” dhe masa ndaluese “Pezullim i ushtrimit të një detyre a shërbimi publik”.
Njoftimi i AMP-së
Agjencia e Mbikëqyrjes Policore (Rajoni Fier – Berat) ka ekzekutuar vendimin e Gjykatës së Shkallës së Parë të Juridiksionit të Përgjithshëm Fier, e cila ka caktuar masën shtrënguese “Ndalim për të dalë jashtë shtetit” dhe masën ndaluese “Pezullim i ushtrimit të një detyre a shërbimi publik” për Nënkomisar T.I., me detyrë Specialist i Seksionit të Luftës Kundër Narkotikëve në DVP Fier, i dyshuar për veprat penale “Shpërdorim detyre” dhe “Korrupsion pasiv i personave që ushtrojnë funksione publike”.
Nga hetimet rezulton se Nënkomisari ka kryer veprimtari kriminale në dëm të interesave të shtetit. Ai dyshohet se ka favorizuar shpërndarës të lëndëve narkotike duke mos i arrestuar, në rastet e flagrancës nga Policia e Shtetit.
LEXONI GJITHASHTU:
- Ndërroi jetë pas shoqërimit në komisariat, prokuroria pushon çështjen për Kurtin
- E veja e ish-komisarit Malushi: Humbja e tim shoqi, thikë pas shpine nga kolegët
