Piktura nga fëmijët ukrainas, përjetimet e treguara përmes ngjyrave 

Në galerinë e artëve në Tiranë, është hapur ekspozita “Fëmijët e Luftës”.

Ambasada e Ukrainës në Tiranë ka mundësuar sjelljen e punimeve nga qytete të ndryshme të vendit që ndodhet në luftë prej më shumë se një viti.

Fëmijët ukrainas, disa prej tyre ende në vijën e parë të luftës, përmes ngjyrave, kanë sjellë atë që u mungon nga vendi i tyre. Lufta e parë nga sytë e të vegjëlve, tmerri dhe dhimbja janë ngulitur në mendjet e tyre. Me shpresë se një ditë çdo gjë do të përfundojë, ata urojnë paqe.

Disa kanë pikturuar familjen, disa të tjerë kafshët shtëpiake e të tjerë lulet si shenjë e rilindjes.

“Ne të gjithë do të kthehemi në rajonin tonë të lindjes” është titulli i një prej pikturave.

Ekspozita do të jetë e hapur deri më 15 Qershor, për këdo që do të shohë nga afër këto përjetime.

LEXONI GJITHASHTU:

• Stoltenberg: Rusia s’e ndalon dot futjen e Ukrainës në NATO, s’ka të drejtë vetoje
• Sulmi në digën në Ukrainë, reagon BE: Krim lufte, Rusia do të mbajë përgjegjësi