Pikturë në akrilik, ‘Misteri i Kohës’ titullohet ekspozita e çelur në Pogradec

“Misteri i Kohës” titullohet ekspozita e çelur në Pogradec nga piktori i këtij qyteti Gentian Zeka.

Një ekspozitë plot ngjyra dhe me abstraksione të cilat janë puna e 15 viteve të piktorit që vijnë në një ekspozitë të vetme duke përfshirë 4 cikle të kohës.

Punimet janë të punuara në teknikën e akrilikut.

Në pamje të parë duket sikur piktori ka dalë nga vetja e tij me këto punime, por për kuratorin Neli Naço shumëllojshmëria e ngjyrave të përdorura janë në karakterin e piktorit të cilat vijnë sa teknike aq edhe filozofike.

Ekspozita do të qëndrojë e hapur për disa ditë dhe shënon çeljen e siparit për aktivitetet artistiko-kulturore që do të zhvillohen në Pogradec përgjatë sezonit veror.