Pjesë e grupit të trafikut të kokainës e kanabisit, arrestohet 32-vjeçari në Shkodër

Ka shkuar në 4 numri i të arrestuarve nga operacioni antidrogë i policisë së Shkodrës. 32-vjeçari i arrestuar ishte i shpallur në kërkim.

Që nga prilli i vitit 2022, efektivët janë marrë me goditjen e grupit kriminal ku bënte pjesë dhe 32-vjeçari, që shpërndante kokainë dhe kanabis si dhe falsifikonte dokumente.

Ndaj tij, Gjykata e Rrethit Gjyqësor Shkodër ka caktuar masën e sigurisë “Arrest në burg”, për veprat penale “Prodhimi dhe shitja e narkotikëve”, “Falsifikimi i dokumenteve” dhe “Falsifikimi i letërnjoftimeve, i pasaportave ose i vizave”, thuhet në njoftimin e policisë.

Nga ky operacion, u sekuestruan sasi lënde narkotike kokainë, 4.3 kg kanabis dhe disa dokumente false.

LEXONI GJITHASHTU:

• Shqiptari në Itali kapet me 220 kg kokainë, vlera marramëndëse që do kishte në treg
• I dënuar me 8 vjet burg për kultivim kanabisi, arrestohet 51-vjeçari në kërkim