Plagosi 8 persona me thikë në Britaninë e Madhe, arrestohet një 17-vjeçar

Një 17-vjeçar është arrestuar në lidhje me incidentin në Southport të Britanisë së Madhe, për plagosjen e 8 personave me thikë ka thënë Policia e Merseyside.

Sipas mediave të huaja, adoleshenti do të qëndrojë në paraburgim për t’u marrë më pas në pyetje.

Oficerët kanë konfirmuar gjithashtu se incidenti nuk po trajtohet ngjarje terroriste dhe nuk po kërkojnë askënd tjetër në lidhje me sulmin me thikë.

“Në këtë fazë të hershme, hetimet janë duke vazhduar për të përcaktuar motivin e këtij incidenti tragjik dhe ne do t’u bëjmë thirrje njerëzve që të mos spekulojnë ndërsa hetimi është në vazhdim,” thanë forcat e Policisë.

Ndërkohë Policia raportoi se gjatë arrestimit 17-vjeçarit i ishte sekuestruar edhe thika e sulmit.

Ndërkohë hetimet vijojnë për zbardhjen e plotë të rrethanave të ngjarjes.

LEXONI GJITHASHTU:

• Plagosi me thikë ish-gruan, përfundon në pranga 53-vjeçari në Elbasan
• EMRAT| Sherri për pronat në Thumanë, dy kushërinjtë plagosin njëri-tjetrin me armë