Plagosi me thikë 15-vjeçarin, flasin të afërmit e të miturit: Djali e kishte frikë

Dy adoleshentë të moshës 14 dhe 15 vjeç u konfliktuan në Maliq, ndërsa njëri prej tyre ka mbetur i plagosur me thikë. Ngjarja ndodhi në fshatin Sheqeras ku një 14-vjeçar ka plagosur me mjet prerës thikë një 15-vjeçar A.Prrenjasi, i cili po merr mjekim në spital, jashtë rrezikut për jetën.

Sipas familjarëve të autorit, kjo nuk ka qenë hera e parë që dy të miturit janë konfliktuar. Nëna dhe gjyshja e 14 vjeçarit, kanë thënë për Euronews Albania se i mituri është bullizuar shpesh nga 15-vjeçarit.

“Kishte frikë të dilte nga shtëpia. E tallte gjithmonë”, -tha Çelike Plaka, nëna e 14-vjeçarit.

Gjyshja e tij Arefie kora, shprehet se i mituri e ka treguar menjëherë ngjarjen në shtëpi, dhe se ata familjarisht i kanë kërkuar falje familjes së 15-vjeçarit të plagosur.

“Unë isha në shtëpi, vjen djali që nga shkolla, më tha: Nëna u zura me atë djalin që më tallte shumë. Më tha unë kisha atë thikën, ai më shtriu në tokë, unë nuk do e godisja, por nuk e di si e zuri thika.

Ai më shtriu i pari në tokë, unë lëviza dhe atë e zuri thika. Marrim taksinë për të shkuar në Korçë, rrugës marrim gjyshin e djalit dhe e pyesim si është, se jemi nisur. Na tha po mos hajdeni se po erdhët do bëhet e madhja, do vritemi, nuk ju lë të gjallë. Ne u kthyem që të mos bëhej e madhja në Korçë. I kërkojmë falje”,-tha gjyshja e 14-vjeçarit.