Plagosi me thikë 18-vjeçarin, shpallet në kërkim autori në Tiranë

Një 19-vjeçar është shpallur në kërkim nga policia në Tiranë. Policia bën me dije se i riu ka plagosur me thikë një 18-vjeçar.

Plagosja ka ndodhur pas një konflikti për motive të dobëta. Policia po punon për kapjen e të riut të identifikuar me inicialet E.R.

“Drejtoria Vendore e Policisë Tiranë. Specialistët për Hetimin e Krimeve të Komisariatit të Policisë Nr. 2 referuan materialet në Prokurori dhe shpallën në kërkim shtetasin E. R., 19 vjeç, pasi dyshohet se gjatë një konflikti për motive të dobëta ka goditur me mjet prerës një 18-vjeçar.

Punohet për kapjen e tij. Materialet procedurale i janë referuar Prokurorisë së Tiranës, për veprime të mëtejshme”, njofton policia.

LEXONI GJITHASHTU:

• Makina përplas këmbësorët në Tokio, një viktimë dhe 10 të plagosur (VIDEO)
• Moska: Ende nuk e kemi draftin e planit të paqes