Plagosi rëndë 40-vjeçarin duke e goditur me derën e automjetit, arrestohet i riu

Një 33-vjeçar nga fshati Lekaj, në Kavajë, është vënë në pranga nga policia pas një incidenti të rëndë që ndodhi mbrëmjen e kaluar.

33-vjeçari u ndalua nga Specialistët për Hetimin e Krimeve në Komisariatin e Policisë në Kavajë, pasi dyshohet se ka pasur një konflikt për motive të dobëta me shtetasin B.Xh., 40 vjeç, banues në Spille.

Pas konfliktit ai e ka dëmtuar rëndë 40-vjeçarin duke e goditur me derën e automjetit të tij.

Shtetasi B.Xh. ndodhet aktualisht në spital, nën kujdesin e mjekëve.

Materialet e rastit i janë dorëzuar Prokurorisë pranë Gjykatës së Shkallës së Parë Durrës për hetime të mëtejshme, me akuzën për veprën penale “Plagosje e rëndë me dashje.”

LEXONI GJITHASHTU:

• Masakra e Shkodrës| Kamerat “paralizojnë” hetimin, pse nuk u ruajtën pamjet
• Babai denoncon djalin në Shkodër: Regjistroi banesën me dokumente të falsifikuara