Zyrtarët egjiptianë kanë thënë se ndërmjetësit e tij kanë paraqitur një propozim që do të çonte në përfundimin e luftës midis Izraelit dhe Hamasit në Gaza.

Sipas mediave të huaja, plani propozon tre faza “të njëpasnjëshme dhe të lidhura” që përfundojnë në një armëpushim të përhershëm, por nuk u ndanë detaje të mëtejshme.

Hamasi dhe Izraeli thuhet se i kanë marrë propozimet dhe Egjipti është në pritje të përgjigjeve.

Kajro do të ofrojë detaje të mëtejshme të planit sapo të merren këto përgjigje, tha në një deklaratë Diaa Rashwan, kreu i shërbimit shtetëror të informacionit të Egjiptit.

Propozimi është një përpjekje “për të afruar pikëpamjet midis të gjitha palëve të interesuara, në një përpjekje për të ndaluar gjakderdhjen palestineze dhe agresionin kundër Rripit të Gazës dhe për të rivendosur paqen dhe stabilitetin në rajon”, tha ai.

“Egjipti konfirmon se nuk ka marrë ende asnjë përgjigje ndaj kornizës së propozuar nga asnjë prej palëve të interesuara.”

Burimet egjiptiane të sigurisë i kishin treguar më parë agjencisë së lajmeve Reuters se propozimi përfshinte një armëpushim me shumë faza që përfshin lirimin e të burgosurve nga Izraeli dhe Hamasi.

LEXONI GJITHASHTU:

• Izraeli paralajmëron Hezbollahun: Nëse s’ndalni sulmet, Libani do kthehet në “Gaza”
• Rritet në 21.110 numri i palestinezëve të vrarë në sulmet izraelite në Gaza