“Playstation 5” thyen rekordet, shifër marramendëse shitjesh

Shitjet e “PlayStation 5” kanë thyer të gjitha rekordet. Platforma lider e kompanisë “Sony” ka tejkaluar 50 milionë shitjet, duke shënuar momentin e saj kulmor për këtë vit.

“PlayStation 5” doli në nëntor të 2020-s, në kohën kur gjithë bota përballej me pandeminë e COVID-19 dhe shitjet fillimisht dështuan për shkak të problemeve me zinxhirët e furnizimeve dhe mungesën e qarqeve elektronike në tregun global.

Sërish, nga produkti japonez u shitën 50 milionë njësi, një gur kilometrik i regjistruar thuajse në të njëjtën periudhë sikurse paraardhësi “PlayStation 4”, me kompaninë “Sony” që pretendon se kjo shifër ka qenë arritja më e madhe e vitit 2023.

Që nga dalja në treg e “PlayStation 1” në vitin 1994, “Sony” është rritur duke u kthyer në një titan të platformave të lojërave elektronike, një treg të ardhurat e të cilit kanë arrtur mbi 53 miliardë euro, sipas kompanisë konsulente të sektorit, “Neëzoo”.

Ndër lojërat më të shumëpritura që do të dalin në shitje për “PlayStation 5” janë “The Last of Us” pjesa e dytë, e rimasterizuar; si dhe edicioni i kufizuar i “Final Fantasy VII Rebirth”, përkatësisht në muajt janar dhe në shkurt të vitit të ardhshëm.

LEXONI GJITHASHTU:

• “‘Makina e së vërtetës’ kushton 50-60 mijë euro”,-eksperti: Ja kush mund ta blejë…
• Krijohet roboti që injekton spermën, kontrollohet me Playstation