Plazh në fund të tetorit, turistë të huaj shijojnë detin dhe diellin e ngrohtë të Vlorës

Përmirësimi i kushteve të motit ka sjellë në Vlorë turistët e tetorit. Ata janë ukrainas, rus apo holandezë, por nuk mungojnë as shqiptarët nga qytetet të ndryshme të Shqipërisë.

“Jam nga Holanda, kam qenë një muaj më parë dhe erdha prapë. Është një vend shumë i bukur dhe me diell. Koha është perfekte, do të rri deri sa të ketë diell”, pohoi një turist.

“Jam nga Bjellorusia. E dua Vlorën është shumë e bukur. Uji është shumë i mirë, do të rri 25 ditë”, tha një turist.

“Jemi nga Tirana, do të rrimë disa ditë për pushime. Jemi larë, deti është i ngrohtë”, u shpreh një tjetër.

Frekuentuesit shprehen të kënaqur me atë çfarë gjejnë në këto ditë të nxehta vjeshte, duke pohuar se do ta frekuentojnë për sa kohë të ketë diell.

LEXONI GJITHASHTU:

• Miratohet projekt-buxheti 2022, rritje pagash për disa kategori
• Deputetja Zhupa: Qeveria më shumë po nxit largimin se sa kthimin e trurit