Një ndihmës i lartë i presidentit të Ukrainës, Volodimir Zelenski deklaroi se rreth 100 deri në 200 ushtarë ukrainas po vriten çdo ditë në luftën ndaj Rusisë.

Mykhaylo Podolyak tha për BBC, se Ukrainës i duheshin qindra sisteme artilerie nga Perëndimi për të përballuar ofensivën ruse në rajonin lindor të Donbasit.

“Kërkesat tona për artileri nuk janë thjesht një lloj trillimi, por një nevojë objektive kur bëhet fjalë për situatën në fushën e betejës,” u shpreh ai.

Sipas Podolyak, Kievi nuk është gati për negociata me Moskën, por shtoi se bisedimet mund të rifillonin vetëm nëse Rusia hiqte dorë nga ajo pjesë e territorit që tanimë e zotërojnë forcat e saj.

Trupat ukrainase po përballen me bombardime të shumta, ndërsa forcat ruse përpiqen të marrin nën kontroll rajonin e Donbasit.

LEXONI GJITHASHTU

• Presidentja e PE-së kërkon dhënien e statusit kandidat për Ukrainën
• Rezistenca në Ukrainë, Putin krahason pushtimin me aksionet e Pjetrit të Madh