“Po përballemi me kërcënime”, deklarata e fortë e Borrell: Të investojmë në armatime

Lufta e Rusisë ndaj Ukrainës ka vënë në krizë rezervat e armëve të BE-së, tha të enjten shefi i politikës së jashtme të bllokut, Josep Borrell.

“Kjo luftë kundër Ukrainës ka qenë një zgjim brutal për shumë prej nesh”, tha Borrell në një konferencë të mbrojtjes në Bruksel.

“Ne e kuptojmë se rezervat tona ushtarake janë varfëruar shpejt për shkak të viteve që nuk kemi investuar në rezervat e armëve”, tha ai më tej.

Shtetet anëtare evropiane kanë dërguar armë me vlerë miliarda dollarë për të ndihmuar Kievin të mbrohet kundër agresionit rus që nga fillimi i pushtimit në shkurt.

Sipas Borrell, sulmi në shkallë të plotë i Moskës ndaj fqinjit të saj ka ripërqendruar vëmendjen në fuqinë e mbrojtjes së vetë BE-së.

“Ne po përballemi me kërcënime, kërcënime reale, afër dhe (ato) ka të ngjarë të përkeqësohen”, u shpreh më tej Borrell.

Shtetet anëtare të BE-së kanë rritur shpenzimet e tyre ushtarake që kur Moska aneksoi gadishullin e Krimesë të Ukrainës dhe shkaktoi konfliktin në Ukrainën lindore në vitin 2014.

Por, Borrell këmbënguli se 27 anëtarët e bllokut duhet të vazhdojnë të rrisin shpenzimet dhe të përmirësojnë prokurimin dhe investimet e tyre të përbashkëta në teknologji për të kompensuar mungesat.

LEXONI GJITHASHTU:

• “Inat personal me Berishën”, Gert Shehu dëshmi kontradiktore para hetuesve
• Sot zhvillohet seanca gjyqësore për 31-vjeçarin që goditi Sali Berishën
• Mjeku i Gert Shehut: Në gusht e rekomandova në urgjencën e psikiatrisë