“Po përballemi sërish me Gjermaninë”- Putin ngre tonet në përkujtimin e Stalingradit

Presidenti rus Vladimir Putin e ka krahasuar luftën e sotme kundër Ukrainës dhe aleatëve të saj perëndimorë me fitoren e Rusisë kundër Gjermanisë naziste në Luftën e Dytë Botërore.

Deklaratat presidenti rus i bëri gjatë një fjalimi të mbajtur në ceremoninë për 80 vjetorin e betejës së Stalingradit.

Putin tha se Rusia është e sigurt se do ta fitoj luftën në Ukrainë, ashtu siç kishte qenë dhe 80-vjet më parë.

Ai shtoi se Rusia po përballet edhe një herë me Gjermaninë, duke iu referuar vendimit të kancelarit Scholz për të dërguar tanket Leopard 2 në Ukrainë.

Ekspertët kanë thënë se një pjesë e arsyes së hezitimit fillestar të Berlinit për të furnizuar Ukrainën me tanke, ishte përdorimi nga propaganda ruse i simbolikës se mjetet gjermane po luftojnë sërish kundër rusëve.

Kujtojmë se qyteti i Stalingradit e pa Rusinë të mposhtte forcat naziste, duke u shënuar në histori si pika e thyerjes së Hitlerit dhe kalimi i gjermanëve nga sulmi në mbrojtje.

LEXONI GJITHASHTU:

• “Mjafton 1 minutë”, Boris Johnson: Putin më kërcënoi me sulm raketor
• Ofensivë e re në Ukrainë, mediat: Putin po bën gati trupat për periudhën shkurt-mars