Policia braziliane arreston bandën që planifikonte likuidimin e gjyqtarëve të lartë

Policia federale e Brazilit njoftoi sot se ka arrestuar pesë persona të dyshuar si anëtarë të një bande të krijuar për të vrarë dhe spiunuar ligjvënës dhe gjyqtarë të rangut të lartë.

Siç raportohet nga Reuters, duke cituar një burim të njohur me hetimin, banda u krijua nga një oficer ushtarak dhe disa civilë.

Dokumenti i sekuestruar nga policia, në të cilin agjencia kishte qasje, tregon se banda e përmendur quhej K4, që do të thotë “Komanda për gjueti të komunistëve, njerëzve të korruptuar dhe kriminelëve” .

Dokumenti tregon se banda kërkoi 38,000 euro për “shënjestrimin” e figurave të larta në gjyqësor dhe 23,000 euro për “shënjestrimin” e senatorëve.

Sipas dokumentit, organizata K4 ishte e pajisur me armë dhe eksplozivë dhe përdorte prostituta si karrem.

Reuters raporton se për momentin nuk dihet nëse banda ia doli vërtet të plagoste ndonjë zyrtar të lartë brazilian.

LEXONI GJITHASHTU:

• Zhvilloi takim me homologun Lula da Silva, Putin flet mbi marrëdhëniet me Brazilin
• Policia braziliane parandalon një sulm me bombë në koncertin e Lady Gaga-s