Policia gjermane: Sulmi me thikë ku u vra polici, “motive ekstremiste islamike”
Prokuroria Federale Gjermane njoftoi se ka hapur një hetim për sulmin në të cilin u vra një oficer policie në Mannheim dhe se dyshon se ishte një sulm me motive fetare.
Siç thuhet, prokuroria më e lartë e shtetit ka marrë përsipër këtë çështje të hënën për shkak të “rëndësisë së veçantë” dhe dyshohet se sulmuesi, një 25-vjeçar afgan, ka dashur të pengojë lirinë e fjalës së kritikëve të Islamit. raporton Deutsche Ëelle.
I dyshuari jetoi në Gjermani për nëntë vjet dhe nuk kishte precedentë penalë gjatë asaj kohe, dhe tani ka gjasa të përballet me akuzat për vrasje, tentativë vrasje dhe pesë akuza për shkaktim të lëndimit trupor.
Ministri gjerman i Drejtësisë Marko Buschmann shkroi në Platformën X të hënën se ka “indikacione të qarta të një motivi islamik”, duke shtuar se “Islami i përket Gjermanisë, por islamizmi jo”.
Rreth 8,000 njerëz u mblodhën në Mannheim për t’i bërë nderimet e tyre një oficeri policie që vdiq dje pasi u plagos në një sulm të premten.
Disa njerëz u plagosën në atë sulm, duke përfshirë politikanin konservator dhe aktivistin anti-islamik Michael Sturzenberger, i cili u godit me thikë gjatë një tubimi publik, pas së cilës policia qëlloi dhe plagosi sulmuesin, raportoi më parë Reuters.
LEXONI GJITHASHTU:
Humbje diplomatike për Gjermaninë në OKB, Berlini ngre dyshime për ndikimin rus
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë
- 11:49 Mes tensionesh dhe sharjesh transportohet drejt Traumës autori i vrasjes së policit në Maliq (VIDEO)