Policia në Rusi ndërhyn në tubimet përkujtimore për Navalnyn, 100 të arrestuar

Rreth 100 persona u arrestuan në qytete të ndryshme të Rusisë për shkak të tubimeve për vdekjen e Aleksei Navalny. Lajmin e bëjnë të ditur portale informative të pavarura.

Autoritetet ruse kishin paralajmëruar më herët kundër grumbullimeve dhe protestave, pavarësisht se lule, foto dhe qirinj u vendosën në shumë zona të Rusisë.

Në Moskë dhe Shën Pjetërburg njerëzit u mblodhën në afërsi të monumenteve të ngritura në kujtim të viktimave të represionit sovjetik.

Shën Pjetërburgu regjistroi numrin më të lartë të arrestimeve, mbi 50, ose dyfishi i atyre që u arrestuan në të gjithë Rusinë.

Tubime në kujtim të Navalnyt u mbajtën edhe në botë, me njerëzit që u mblodhën pranë ambasadave ruse, kryesisht në vendet evropiane, por edhe në Argjentinë, një tregues i përhapjes së madhe të rusëve që janë  larguar nga Rusia për shkak të luftës së Putin.

LEXONI GJITHASHTU:

• Vdekja e Navalnyt, Kurti: Autoritarizmi, gatishmëri për të vrarë këdo që del kundër
• Vdekja e Navalnyt, SHBA: Po punojmë ta konfirmojmë, shenjë e brutalitetit të Putinit