Policia njoftim zyrtar për sherrin mes fqinjëve në Durrës, 3 të plagosur me thikë

Një konflikt banal mes fqinjëve ka përfunduar me plagosje me thikë në Durrës.

Ngjarja ndodhi pak pas mesditës në lagjen nr. 15, Spitallë dhe si pasojë e konfliktit me mjete të mprehta kanë mbetur të plagosur 3 shtetas.

Përmes një njoftimi zyrtar policia tha se gjatë konfliktit, janë dëmtuar me mjet prerës shtetasit M. D., 47 vjeç, A. D., 23 vjeç, dhe A.  E., 46 vjeç, banues në Spitallë, Durrës, të cilët po marrin ndihmën mjekësore në spitalin e Durrësit.

Shërbimet e Policisë kanë shoqëruar shtetasin R. E., 22 vjeç.

Grupi hetimor ndodhet në vendngjarje dhe po kryen veprimet procedurale për sqarimin e plotë të rrethanave.

LEXONI GJITHASHTU:

• Sherr me thika mes fqinjëve në Durrës, 1 i plagosur
• Detaje nga abuzimi seksual i italianes në Durrës, i akuzuari tentoi t’i jepte drogë