Sherr me thika mes fqinjëve në Durrës, 1 i plagosur

Një konflikt banal mes fqinjëve ka përfunduar me plagosje me thikë në Durrës. Ngjarja është regjistruar mesditën e sotme, ku një i ri rreth 22 vjeç ka goditur me thikë fqinjin e tij.

I plagosuri u dërgua me urgjencë në spital, ku ndodhet jashtë rrezikut për jetën.

Në konflikt është përfshirë edhe babai i autorit, si dhe disa persona të tjerë, të cilët janë shoqëruar në komisariatin e Durrësit.

Plagosja me thikë ka ndodhur në lagjen nr, 15 në Durrës, e njohur si zona e Spitallës. Familjet e përfshira banojnë pranë njëra tjetrës.

Burime nga policia bëjnë me dije për Euronews Albania se në Urgjencën e spitalit të Durrësit kanë mbërritur dy persona të plagosur, njëri me thikë dhe tjetri me sende të forta.

Forcat e rendit janë vënë në ndjekje të autorit ndërsa të tjerë janë shoqëruar.

LEXONI GJITHASHTU:

• Detaje nga abuzimi seksual i italianes në Durrës, i akuzuari tentoi t’i jepte drogë
• Dëshmia e 18-vjeçares italiane e abuzuar seksualisht në Durrës: U mundova të mbrohem