Dhjetëra protestues u arrestuan nga policia në Stamboll të Turqisë, gjatë protestës së mbajtur me rastin e 1 majit, kundër vështirësive ekonomike të shkaktuara nga inflacioni, raporton Reuters.
Televizionet lokale në Turqi shfaqën pamje të policëve duke u përleshur me protestuesit në sheshin ‘Taksim’ ndërsa disa prej tyre u vunë në pranga.
Agjencia e lajmeve Demiroren raportoi se 30 persona janë arrestuar në qarkun Beshiktash të Stambollit dhe 22 të tjerë në qarkun Sisli.
Marshimet e udhëhequra nga punëtorët dhe sindikatat mbahen çdo vit më 1 Maj në kuadër të Ditës Ndërkombëtare të Punës.
Zyra e guvernatorit të Stambollit tha se në total 164 persona janë arrestuar për protesta të paligjshme.
Norma vjetore e inflacionit në Turqisë pritet të rritet në 68% në prill, e nxitur nga konflikti Rusi-Ukrainë dhe rritja e çmimeve të mallrave, duke u ulur vetëm pak deri në fund të vitit, sipas Reuters.
Kreu i Konfederatës së Punëtorëve në Turqi, Ergun Atalay, u tha protestuesve në sheshin Taksim, se paga minimale duhet të ndryshojë, në mënyrë që të përkojë edhe me rritjen e çmimeve.
“Tema jonë kryesore këtë vit duhej të ishte kostoja e jetesës. Inflacioni shpallet në fillim të çdo muaji. Norma e inflacionit duhet t’i shtohet pagave çdo muaj”, tha Atalay
LEXONI GJITHASHTU:
