Polonia do të nis ndërtimin e centralit të saj të parë bërthamor

Komisioni Evropian ka miratuar një paketë mbështetjeje për ndërtimin dhe operimin e centralit të parë bërthamor të Polonisë, duke e deklaruar atë në përputhje me rregullat e ndihmës shtetërore të BE-së.

Qeveria në Varshavë ka siguruar fonde për ndërtimin e centralit, i cili pritet të kushtojë rreth 192 miliardë złoty.

Autoritetet thanë se synojnë të mbështesin investimin e BE-së duke kontribuar kapital rreth 14 miliardë euro, që do të mbulojë 30% të kostos totale të projektit. Më vonë, në dhjetor, 4.6 miliardë złoty, 1.9 miliardë euro, do të shkojnë te kompania që po udhëheq projektin.

Centrali do të ndërtohet në komunën veriore Choczewo, pranë bregdetit të Detit Baltik, dhe do të jetë një nga elementët më të rëndësishëm të tranzicionit energjetik të vendit.

Zbatimi i investimit po menaxhohet nga zhvilluesi polak i centralit bërthamor, Polskie Elektrownie Jądrowe, PEJ. Sipas një ndryshimi ligjor të shkurtit 2025, kompania do të marrë mbështetje publike deri në 60.2 miliardë złoty, 14 miliardë euro, deri në vitin 2030.

“Ndërtimi mund të fillojë me një nisje të shpejtë që në dhjetor. Ndërtimi po nis dhe, siç mund ta kuptoni, kjo ishte një kusht absolutisht i domosdoshëm dhe aspak i lehtë për t’u arritur”, tha Kryeministri Donald Tusk.

LEXONI GJITHASHTU:

• Shefi i NATO-s paralajmëron nga Berlini: Ne jemi objektivi i radhës i Rusisë
• Kryeministri i Bullgarisë jep dorëheqjen pas protestave kundër korrupsionit