Polonia do të vendosë raketa gjermane afër kufirit me Ukrainën

Ministri i Mbrojtjes i Polonisë, Mariusz Blaszczak deklaroi se vendi i tij dhe Gjermania kanë rëndë dakord që të vendosin raketa gjermane “Patriot” pranë kufirit polak me Ukrainën.

“Ministrja gjermane e Mbrojtjes konfirmoi gatishmërinë e saj për të vendosur raketën “Patriot” në kufirin me Ukrainën. Versioni i sistemit mbetet për t’u përcaktuar, sa shpejt do të arrijnë tek ne dhe për sa kohë do të vendosen”, u shpreh Mariusz Blaszczak në Twitter, shkruan Reuters.

Gjermania i ka ofruar Polonisë sisteme mbrojtëse, Patriot dhe Eurofighters, për mbrojtje të hapësirës ajrore.

Më 14 nëntor, dy polakë u vranë kur një raketë goditi një depo gruri në fshatin Pzhevoduv, vetëm 6 kilometra nga kufiri me Ukrainën.

Sekretari i Përgjithshëm i NATO-s, Jens Stoltenberg, deklaroi një ditë më pas se sulmi i së martës në Poloni me gjasë u shkaktua nga mbrojtja ajrore e Ukrainës, por shtoi se Rusia mbetet fajtore pasi ajo e nisi luftën.

LEXONI GJITHASHTU

• ‘Gati të paguajmë çmimin’, Stoltenberg për mbështetjen e Ukrainës: Është një detyrim
• Ukraina në terr, Rusia vijon të godasë infrastrukturën, Britania premton ndihmë
• Rusia trondit Ukrainën, gjuan raketë bërthamore ‘maket’ në Kiev