Polonia heq detyrat e shtëpisë| Gëzojnë nxënësit e fillores, dëshpërim te mësuesit
Qeveria e re polake ka prezantuar një seri kufizimesh për detyrat e shtëpisë, në përpjekje për të modernizuar sistemin arsimor.
Në kuadër të nismës, mësuesve nuk u kërkohet më t’u japin detyra shtëpie fëmijëve në tre shkallët e para të arsimit. Ndërsa për nxënësit nga klasa e katërt në të tetën, detyrat do të jenë opsionale.
Dekreti është mirëpritur nga nxënësit.
“Jam e lumtur sepse nuk më pëlqejnë shumë detyrat e shtëpisë dhe nuk kanë shumë kuptim sepse shumë nxënës në klasën time do t’i kopjojnë ato në mëngjes nga dikush që i ka bërë. Ose do të mund t’i marrin të zgjidhura nga interneti. Ndaj, nuk kanë kuptim”, tha një vajzë.
Por jo të gjithë janë të bindur nga rregullat e reja. Në radhët e mësuesve ka pasur dëshpërim.
“Mësuesit mendojnë se kjo ndodhi shumë shpejt, me shumë nxitim. Nuk u fol shumë dhe nuk pati shumë konsultime. Duhej bërë, por më parë duheshin pyetur mësuesit”, tha Slawomir Broniarz, shef i Sindikatës së Mësuesve Polakë.
Sistemi arsimor i Polonisë i është nënshtruar një seri reformash të kontestuara, me thuajse çdo qeveri që ka bërë ndryshime. Shpesh herë kjo qasje i ka lënë prindërit dhe mësuesit konfuzë dhe të dekurajuar.
LEXONI GJITHASHTU:
Meloni: Udhëheqësit evropianë duhet të forcojnë komponentin evropian të NATO-s
Pse vala vdekjeprurëse e të nxehtit në Evropë nuk është për shkak të një fenomeni natyror të motit
BE-ja shkurton afatin e pranimit të Ukrainës për shkak të rezistencës hungareze
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve