Kryeministri polak Donald Tusk ka deklaruar se Polonia nuk do të dërgojë trupa në Ukrainë, por do të vazhdojë të mbështesë Kievin në luftën e tij kundër pushtimit rus, siç ka bërë deri tani. Tusk i bëri këto komente para nisjes së tij për në Paris, ku do të marrë pjesë në një samit jozyrtar mbi Ukrainën dhe sigurinë evropiane.
Komentet e kryeministrit polak vijnë pas deklaratave të Starmer, i cili tha të dielën se është i gatshëm të dërgojë trupa britanike në Ukrainë si pjesë e një force paqeruajtëse, pas përfundimit të luftës, dhe për të kontribuar në një paqe të qëndrueshme për të parandaluar çdo mundësi për një agresion të mëtejshëm nga Rusia.
Starmer i bëri këto komente si pjesë e një nisme për të treguar se kombet evropiane duhet të kenë një rol më të madh në bisedimet për përfundimin e konfliktit në Ukrainë. Ai theksoi se nuk e ka marrë këtë vendim me lehtësi, por e konsideron të rëndësishme për të garantuar një paqe të qëndrueshme.
“Sigurimi i paqes në Ukrainë është thelbësor për të parandaluar agresionin e mëtejshëm të Putinit,” tha ai.
Starmer gjithashtu shprehu angazhimin për të luajtur një rol udhëheqës në mbrojtjen dhe sigurinë e Ukrainës, duke ofruar një ndihmë financiare prej 3 miliardë paund në vit deri në vitin 2030.
LEXONI GJITHASHTU:
- Zelensky: Ukraina nuk u ftua për bisedimet SHBA-Rusi në Arabinë Saudite
- Starmer: I gatshëm të vendos trupa në terren në Ukrainë për të mbrojtur paqen
