Polonia ka përforcuar kapacitetet ushtarake të saj duke pranuar të blejë 48 raketahedhës të llojit “Patriot” nga kompania lider amerikane “Raytheon”.
Investimet vijnë teksa klasa politike në Varshavë po argumenton rritjen e shpenzimeve të NATO-s për të parandaluar që konflikti rus në Ukrainë të përhapet.
“Ne po investojmë në industrinë e mbrojtjes për forcimin e Forcave tona të Armatosura, për sigurinë tonë dhe atë të aleatëve”,- tha Wladyslaw Kosiniak-Kamysz, ministër i Mbrojtjes i Polonisë.
Nga Zoçazevi, një qytet në Poloninë qendrore, autoritetet konfirmuan se armatimet do të dorëzohen duke filluar nga viti 2027.
“Për Poloninë, sistemet “Patriot” jo vetëm forcojnë aftësinë për të mbrojtur qiejt mbi territorin e NATO-s, por edhe ndërveprimin tonë ushtarak. Kjo është një armë e fuqishme në krahun lindor të Aleancës”,-tha tha Mark Brzezinski, ambasador i SHBA në Varshavë.
Polonia, vend anëtar i NATO-s, ndan një kufi 230 kilometra të gjatë me Rusinë. Në maj, Varshava zyrtare njoftoi se vija do të përforcohej me një investim prej 2.5 miliardë eurosh.
LEXONI GJITHASHTU:
- Polonia miraton projektligjin për përdorimin e armëve në kufi me Bjellorusinë
- Polonia do të nënshkruajë marrëveshjen e sigurisë me Ukrainën para samitit të NATO
