Portugalia rikthen kufizimin e lëvizjeve për shkak të përhapjes së variantit Delta të COVID-19

Portugalia ka vendosur të rikthejë oraret e kufizimeve të aktiviteteve duke nisur nga e premtja, kjo për shkak të përhapjes së variantit Delta të COVID-19.

Autoritetet lokale druajnë se varianti i ri i virusit mund të jetë kthyer dominant në pjesën e popullsisë së prekur dhe për këtë kanë këshilluar që të rivendosen masat e kufizimeve.

Kështu qeveria ka vendosur që duke nisur nga nesër në 45 bashki kryesore, përfshirë Lisbonën dhe Porton të ndalohet lëvizja nga ora 23:00 deri në 05:00. Ndërkohë parashikohet që në ditët e javës baret dhe restorantet do të duhet të mbyllin aktivitetin që në 22:30 ndërsa në mes-javë që në 15:30.

Këto kufizime, të cilat kanë qenë në fuqi në Lisbonë dhe dy qytete të tjera, janë zgjeruar duke përfshirë shumicën e qendrave më të mëdha urbane.

Portugalia raportoi të mërkurën 2 mijë raste me COVID-19, numri më i lartë që prej muajit shkurt.

Autoritetet po munden të paraprijnë çdo situatë të keqe teksa deri më tani është vaksinuar pothuajse gjysma e popullsisë me të paktën një injeksion, ndërsa 32% ka marrë dy injeksionet e nevojshme.

Prej nisjes së pandemisë Portugalia ka regjistruar mbi 880 mijë raste me COVID-19, prej së cilave 17 mijë kanë përfunduar me pasojë vdekjen.

Masa për të zgjeruar kufizimet në të gjithë vendin vjen pak pasi Organizata Botërore e Shëndetësisë shprehu shqetësimin se duke nisur nga gushti Evropa mund të përfshihet nga një valë e re infeksionesh të variantit Delta.

LEXONI GJITHASHTU:

• OBSH ngre shqetësimin se grumbullimet për Euro 2020 po përhapin më tej COVID-19
• Varianti Delta i COVID mund të ndërpresë entuziazmin për certifikatën digjitale në BE