Precedent i rrezikshëm, qeveria e Kosovës kritika vendimit të PE

Komisionari për Zgjerim dhe Fqinjësi i Bashkimit Evropian, Oliver Varhelyi, ka thënë se propozimi për liberalizimin e vizave për serbët e Kosovës me pasaporta serbe është mbështetur nga Parlamenti Evropian, si dhe nga Komiteti për Liritë Civile, Drejtësinë dhe Çështjet e Brendshme në Parlamentin Evropian.

Ai këtë e ka quajtur lajm të mirë për serbët e Kosovës.  Më tutje, ai ka thënë se është hap i madh që i gjithë Ballkani Perëndimor të udhëtojë pa viza.

“Lajm i mirë për serbët e Kosovës. Propozimi ynë për të lejuar udhëtimin pa viza për mbajtësit e pasaportave serbe të Kosovës u mbështet nga Parlamenti Europarl, Komiteti për Liritë Civile, Drejtësinë dhe Çështjet e Brendshme në Parlamentin Evropian. Është një hap i madh drejt arritjes së regjimit pa viza për të gjithë #Ballkanin Perëndimor kur udhëtoni në BE”,ka shkruar ai në “X”.

Qeveria e Kosovës e ka konsideruar këtë precedent të rrezikshëm.  Klisman Kadiu, këshilltar për media i zv/kryeministrit Besnik Bislimi.

Kadiu ka ritheksuar se “pasaportat ilegale të lëshuara nga Serbia shkelin sovranitetin dhe integritetin territorial të Republikës së Kosovës, andaj dhe nuk mund të njihen apo të jenë dokument i vlefshëm udhëtimi”.

“Ky qëndrim rrezikon të krijojë një precedent të rrezikshëm, kur vetëm para më shumë se një viti, një tentativë e njëjtë për njohjen e dokumenteve ruse të udhëtimit të lëshuara në Ukrainë dhe Gjeorgji, u dënua dhe nuk u pranua nga vetë institucionet e BE-së.”

Ky vendim, Kadiu ka thënë se ka ndikim negativ në integrimin e komunitetit serb në Kosovë por edhe në procesin e dialogut.

“Shtyrja para e këtij propozimi, ka impakt negativ në integrimin e komunitetit serb në Kosovë, por edhe në procesin e dialogut. Që prej momentit kur është inicuar ky propozim nga Komisioni Evropian, i kemi informuar vazhdimisht të gjitha institucionet e BE-së për pasojat dhe efektet negative të një vendimi të tillë.”-tha ai.

LEXONI GJITHASHTU: 

• Gjendet mjeti i mbushur me eksploziv në Leposaviç, ndërhyn KFOR-i
• Kakavijë| Policia sekuestron euro, franga dhe lingota floriri, procedohet gjermani