Presidenti Al-Sharaa takon Putin-in, Siria kërkon të forcojë lidhjet me Rusinë

Presidenti i përkohshëm i Sirisë, Ahmed al-Sharaa, ka vizituar Moskën këtë të mërkurë, në vizitën e tij të parë zyrtare që nga marrja e detyrës.

Ai tha se është i gatshëm të rivendosë marrëdhëniet “historike dhe strategjike” me Rusinë.

Ky takim synon të “riformësojë marrëdhëniet me Rusinë” dhe të zgjerojë bashkëpunimin politik dhe ekonomik, sipas një deklarate të lëshuar nga agjencia shtetërore e lajmeve SANA.

“Ne i respektojmë të gjitha marrëveshjet e kaluara dhe historinë me Rusinë, dhe do përpiqemi të rivendosim këto marrëdhënieve. Ne kemi marrëdhënie të ngushta me Rusinë dhe një pjesë e madhe e sektorit të energjisë së Sirisë varet nga ekspertiza ruse”, tha Sharaa në një konferencë të përbashkët për shtyp në Moskë me homologun e tij rus, Vladimir Putin.

LEXONI GJITHASHTU:

• Izraeli: Një nga trupat e kthyer nuk është peng, këtë e kanë bërë edhe më parë