Presidenti Begaj: Gjykata Kushtetuese gur themeli, transparenca thelbësore për besim

Presidenti Bajram Begaj tha se Gjykata Kushtetuese është një gur themeli për ndërtimin e shtetit të së drejtës dhe garantimin e të drejtave dhe lirive themelore të njeriut.

Sipas tij kanë qenë ndryshimet ligjore në këto 30 vite, të cilat e kanë vënë Gjykatën Kushtetuese para sfidave të ndryshme, duke prekur aspekte të organizimit, kompetencave dhe funksionimit normal.

“Reforma në drejtësi, e mbështetur fuqimisht nga partnerët tanë evropianë dhe amerikanë, ka sjellë zhvillime pozitive për Gjykatën Kushtetuese dhe aksesin në drejtësinë kushtetuese. Transparenca mbetet thelbësore për të ruajtur besimin e publikut te Gjykata Kushtetuese dhe për të siguruar një qasje të lehtë dhe cilësore të qytetarëve në drejtësi,” – u shpreh Begaj.

Presidenti theksoi se pavarësimi dhe paanshmëria kërkojnë mbështetjen e duhur financiare dhe autonomi buxhetore për të mundësuar funksionalitet, aftësi vetë-rregulluese dhe për të mos lejuar asnjë cënim nga asnjë degë e pushtetit.

LEXONI GJITHASHTU:

• Gjykata Kushtetuese me 8 anëtarë, betohet para presidentit Ilir Toska
• Gjykata Kushtetuese rrëzon kërkesën e Fatmir Mediut për ‘Gërdecin’