Presidenti i Egjiptit i bën “presion” Evropës, zbulohet arsyeja

Presidenti egjiptian, Abdel Fattah al-Sisi bëri thirrje të mërkurën për presion nga Europa për të arritur një armëpushim në Rripin e Gazës.

Duke folur gjatë një konference të përbashkët shtypi në Kajro me presidentin gjerman Frank-Walter Steinmeier, Sisi nënvizoi rëndësinë e grumbullimit të presionit nga vendet evropiane për të arritur një marrëveshje armëpushimi në Gaza.

Ai pohoi gjithashtu refuzimin e vendit të tij ndaj përdorimit të urisë nga Izraeli si një armë kundër palestinezëve.

Për muaj të tërë, Egjipti, Katari dhe SHBA janë përpjekur të arrijnë një marrëveshje midis Izraelit dhe Hamasit për të siguruar një shkëmbim të burgosurish dhe një armëpushim dhe për të lejuar hyrjen e ndihmave humanitare në Gaza.

LEXONI GJITHASHTU:

• Presidenti i Izraelit viziton sot për herë të parë Shqipërinë
• Josep Borrell mbërrin në Egjipt ndërsa kriza humanitare në Gaza përkeqësohet