Presidenti i Izraelit thotë se luftëtari i Hamasit mbante manual armësh kimike

Presidenti izraelit Isaac Herzog ka pohuar në një intervistë për Sky News se një udhëzues për prodhimin e armëve kimike u gjet në trupin e një ushtari të vdekur të Hamasit.

Udhëzuesi, i zbuluar në një pajisje ruajtëse USB që militanti i Hamasit kishte mbajtur, ishte “material i Al-Kaedës” se si të armatohej cianidi, një kimikat shumë toksik, tha Herzog.

Ai u gjet në Kibbutz Be’eri, ku Hamasi nisi sulmin më 7 tetor, duke vrarë dhjetëra njerëz dhe duke marrë pengje.

“Ne kemi të bëjmë me ISIS (grupin e Shtetit Islamik), Al-Kaedën dhe Hamasin”, tha Herzog.

“Në këtë material ka udhëzime se si të prodhohen armë kimike, kjo flet për zjarrvënie, flet për kimikate të ndryshme që dalin dhe prodhojnë armë kimike, aq e thjeshtë.