Presidenti i Kinës premton 50 miliardë $ mbështeteje financiare për Afrikën

Presidenti i Kinës, Xi Jinping premtoi të enjten më shumë se 50 miliardë dollarë financim për kontinentin afrikan dhe njoftoi ngritjen e pikave të bashkëpunimit me të gjitha vendet anëtare në “nivel strategjik”.

Qeveria kineze “do të sigurojë 360 miliardë juanë (50.7 miliardë dollarë) mbështetje financiare për vendet afrikane gjatë tre viteve të ardhshme”, tha Xi në Samitin e 9-të të Forumit për Bashkëpunimin Kinë-Afrikë në Pekin.

Xi deklaroi se marrëdhëniet e Kinës me kombet afrikane ishin “tani në nivelet më të mira në histori”.

Duke iu referuar premtimeve për financim të ri, udhëheqësi kinez tha se më shumë se gjysma e 50 miliardë dollarëve do të jenë kredi, ndërsa gati 11 miliardë dollarë do të jepen në lloje të ndryshme grantesh.

Ai gjithashtu përfshin 10 miliardë dollarë investime përmes firmave kineze, tha 71-vjeçari Xi, i cili gjithashtu udhëheq Partinë Komuniste Kineze.

LEXONI GJITHASHTU:

• Presidenti i Kinës viziton Francën, pritet të shkojë edhe në Serbi e Hungari
• Përplasjet e anijeve tregtare në Azi, Filipinet dhe Kina akuzojnë njëra-tjetrën