Presidenti i parë i Ukrainës vdes në moshën 88-vjeçare

Në moshën 88-vjeçare ka humbur jetën Leonid Kravchuk, i cili udhëhoqi Ukrainën drejt pavarësisë në mes të rënies së Bashkimit Sovjetik.

Kreu i zyrës së Presidentit Zelenski, Andri Yermak, konfirmoi vdekjen e Kravchuk pa dhënë detaje për rrethanat e vdekjes.

Gjendja shëndetësore e Kravchuk kishte qenë e rënduar, i cili vitin e kaluar i’u nënshtrua një operacioni në zemër, raporton Sky News.

Ai luajti një rol kyç në rënien e BRSS përpara se të mbante presidencën ukrainase nga viti 1991 deri në 1994.

Ministri ukrainas i Mbrojtjes, Oleksii Reznikov ka publikuar një shkrim në Tëitter duke thënë se me nënshkrimin e z. Kravchuk në marrëveshjen e dhjetorit 1991 për shpërbërjen e Bashkimit Sovjetik, “Perandoria e Keqe u shpërbë”.

“Faleminderit për rinovimin paqësor të Pavarësisë sonë. Ne po e mbrojmë atë tani me armë në duart tona”, ka shkruar Reznikov.

LEXONI GJITHASHTU

• BE të sakrifikojë për ta ndalur Rusinë, ambasadori ukrainas për Euronews
• Numri i viktimave në Ukrainë më i lartë se shifra zyrtare, thotë OKB