Presidenti Meta dekreton marrëveshjen me Pfizer për vaksinat

Presidenti i vendit Ilir Meta ka dekretuar mesditën e së premtes marrëveshjen me kompaninë Pfizer për 500 mijë vaksina.

Akti normativ për blerjen e 500,760 vaksinave anti-COVID të kompanisë Pfizer u miratua të martën në Komisionin parlamentar për Punën, Çështjet Sociale dhe Shëndetësinë dhe në Komisionin e Ligjeve.

Marrëveshja do t’i kushtojë Shqipërisë 6 milionë dollarë.

Ministrja e Shëndetësisë, Ogerta Manastirliu, prezantoi para Kuvendit të enjten këtë akt normativ, ndërsa theksoi se vendi do të hyjë në një fazë tjetër të intensifikimit të planit të vaksinimit me qëllim rritjen më tej të mbulesës së vaksinimit.

LEXONI GJITHASHTU:

• Manastirliu: 500 mijë doza ‘Pfizer’ vijnë brenda 3 muajsh, përshpejtojmë planin e vaksinimit
• Miratohet në komisionet parlamentare akti normativ për blerjen e 500 mijë vaksinave Pfizer
• Studentët duan të vaksinohen, por shumica preferojnë “Pfizer”