Presidenti polak: Armët bërthamore ruse në Bjellorusi ndryshojnë sigurinë rajonale

Presidenti i Polonisë, Andrzej Duda, ka thënë të martën se Rusia është duke dërguar tashmë armë bërthamore në shtetin fqinj, Bjellorusi, dhe ka shtuar se ky veprim do ta ndryshojë arkitekturën e sigurisë së rajonit dhe të tërë aleancës ushtarake të NATO-s.

Presidenti i Rusisë, Vladimir Putin, dhe ai i Bjellorusisë, Aleksandër Lukashenka, thanë muajin e kaluar se Moska kishte dërguar tashmë disa armë bërthamore taktike në Bjellorusi, pasi kishte njoftuar për një plan të tillë në mars.

Shtetet e Bashkuara dhe NATO-ja nuk e kanë konfirmuar këtë.

Sekretari i Përgjithshëm i NATO-s, Jens Stoltenberg, e dënoi retorikën e Moskës duke e cilësuar si “të rrezikshme dhe pakujdesshme”, por tha në korrik se aleanca nuk ka parë ndonjë ndryshim në qëndrimin bërthamor të Rusisë.

Armët bërthamore taktike përdoren në fushëbetejë dhe janë armë me rreze të shkurtra veprimi, si dhe prodhojnë pak rezultate krahasuar me armët shumë më të fuqishme bërthamore që vendosën në kokën e raketave me rreze të gjata veprimi. Rusia tha se do të vazhdojë t’i ketë nën kontroll ato që i dërgon në Bjellorusi.

Duda i bëri këto komente gjatë një konferencë të përbashkët me presidentin e Portugalisë, Marcelo Rebelo de Sousa, i cili po e viziton Varshavën.

LEXONI GJITHASHTU:

• Nipi i Pablo Escobar në mosmarrëveshje trashëgimie me të atin: Ka dashur të më vrasë
• Vuçiç zbulon detaje nga biseda me Mitsotakis: Greqia nuk do e njohë Kosovën