Presidenti polak, i pari lider që mban fjalim në Parlamentin e Ukrainës

“Vetëm Ukraina ka të drejtë të vendosë për të ardhmen e saj”, tha presidenti polak në një fjalim në parlamentin ukrainas, raporton BBC.

Andrzej Duda është i pari lideri i huaj që mbajti një fjalim duke qenë fizikisht i pranishëm në parlamentin ukrainas që nga pushtimi i Rusisë më 24 shkurt.

Ai tha se zërat shqetësues po sugjerojnë që Ukraina duhet t’i dorëzohej presidentit rus Putin, sipas komenteve të cituara nga agjencia e lajmeve Reuters.

“Ata zëra nuk duhet të merren parasysh, sepse dhënia e qoftë edhe një centimetër territori ukrainas do të ishte një goditje për të gjithë Perëndimin”, tha presidenti polak.

Duda gjithashtu theksoi se Polonia mbështeti Ukrainën në përpjekjen e saj për të fituar anëtarësimin e plotë në Bashkimin Evropian – një çështje për të cilën vendet e BE-së nuk kanë arritur një konsensus.

Fotot e postuara në Twitter nga zyra e Dudës tregojnë teksa ai pritet me duartrokitje në parlament dhe përqafonte presidentin Zelenski.

LEXONI GJITHASHTU:

• Polonia do ndihmojë Suedinë e Finlandën në rast sulmi para anëtarësimit në NATO
• Ukraina po blen armë nga Perëndimi me grurë, pretendon Rusia