Presidenti sirian bisedë telefonike me Trump, diskutojnë për të drejtat e kurdëve sirianë

Presidenti sirian, Ahmed al-Sharaa dhe homologu i tij amerikan Donald Trump kanë zhvilluar një bisedë telefonike. Mësohet se dy liderë diskutuan rreth zhvillimeve në Siri dhe situatën e kurdëve sirianë.

“Të dyja palët theksuan nevojën për të siguruar të drejtat dhe mbrojtjen e popullit kurd brenda shtetit sirian dhe ranë dakord të vazhdojnë bashkëpunimin në luftën kundër Shtetit Islamik,” njoftoi Damasku.

Të dy udhëheqësit gjithashtu theksuan rëndësinë e mbrojtjes së unitetit dhe pavarësisë së territorit sirian. Të dielën, qeveria siriane nënshkroi një marrëveshje integrimi të plotë me Forcat Demokratike Siriane (SDF) të udhëhequra nga kurdët, megjithëse tensionet vazhduan edhe sot.