Preu pemë dhe i vuri zjarrin pyllit në Zall Bastar, arrestohet 28-vjeçari

Një person u arrestua nga policia e Tiranës për për veprat penale “Prerja e paligjshme e pyjeve” dhe “Shkatërrimi me zjarr i pyjeve dhe i mjedisit pyjor”. Në pranga u vu shtetasi O. D., 28 vjeç.

Ky shtetas dyshohet se ka prerë disa pemë në vendin e quajtur “Qafa e Kutreqit”, në fshatin Kutreq, Zall Bastar, dhe më pas i ka vënë zjarrin një pjese të pyllit.

“Drejtoria Vendore e Policisë Tiranë apelon për të gjithë qytetarët, që në asnjë rast të mos shkaktojnë zjarrvënie, pasi do përballen me ligjin, dhe fton ata që të denoncojnë në numrin 112 për çdo rast të zjarrvënies ose çdo rast paligjshmërie, duke iu garantuar anonimat të plotë dhe reagim të menjëhershëm”, thuhet në njoftimin e policisë.

LEXONI GJITHASHTU:

• Zjarr i madh në Malin e Thatë, ndërhyrje nga toka dhe ajri
• Zjarr i përmasave të mëdha në Finiq, flakët rrezikojnë edhe banesat