Prifti rrëfen si serbët tentuan përçarjen e shqiptarëve të Kosovës

“Më thanë mbaji besimtarët e tu katolikë, e myslimanët shqiptarë na i jep ne, e dimë ne se çfarë bëjmë me to”.

Kështu rrëfeu për ushtarët serbë Dom Kelmend Spaqi, prift në Kishën e Shna Ndout në Kosovë, e cila ka shërbyer si strehë dhe shpresë gjatë luftës.

Në kishën ku strehoheshin të krishterë e myslimanë, serbët ndërhynë brutalisht të dielën e Pashkëve më 4 prill të vitit 1999.

Ky qe një tjetër rast ku ata tentuan përçarjen e shqiptarëve me bazë besimin.

Por prifti rrëfen se 99% e shqiptarëve të Kosovës të strehuar në Kishë e zonat përreth ishin myslimanë.

“Vendosen t’i përcjellin gjysmën e popullit për Shqipëri, e gjysmën t’i ndalnin atje. Ndaji, më thanë, besimtarët e tu, myslimanët na i jep neve, e dimë ne se çfarë bëjmë me ta. Jo, kurrë e përjetë. Unë s’i ndaj. Nuk ka këtu as katolikë e as myslimanë. Këtu ka njerëz të pafajshëm. Më thanë duhet të të pushkatojmë ty e pastaj gjithë të tjerët”, tha Spaqi.

PoR Dom Kelmend Spaqi jo të vetëm që nuk i dorëzoi shqiptarët myslimanë, po brenda Kishës ata kryen edhe ritet e tyre të Ramazanit, për të cilat u përkujdes vetë prifti.

Qëndrimi i tij vërteton më së miri thënien e  At’ Gjergj Fishtës, “vërtet kemi Bajram e Pashkë, por shqiptarinë e kemi bashkë”.

LEXONI GJITHASHTU:

• Kisha e shpresës gjatë luftës në Kosovë, dëshmon prifti që mbrojti shqiptarët