Princi Harry: Kam veshur uniformën naziste i nxitur nga William dhe Kate

Princi Harry thuhet se ka deklaruar, në kujtimet e tij që do të publikohen së shpejti, se vëllai i tij Princi William dhe partnerja e tij e atëhershme dhe tani gruaja Princesha Kate e inkurajuan atë të vishte një uniformë naziste për një festë në vitin 2005, teksa u tallën duke qeshur kur e panë për herë të parë me atë uniformë.

Sipas New York Post, e cila kishte akses në fragmente nga kujtimet ende të pabotuara, atëherë princi 20-vjeçar kërkoi këshillën e Princit William dhe gruas së tij të ardhshme, Kate Middleton, nëse do të vishte një uniformë naziste apo të maskohej si pilot, për të cilën ata qeshën dhe i thanë të veshë uniformën.

Fotoja e Princit Harry shkaktoi një reagim të fortë tek publiku, transmeton britanikja Sun, dhe ai ka deklaruar se i vjen shumë keq nëse ka ofenduar dikë në ndonjë mënyrë.

Kujtimet e Princit Harry do të publikohen më 10 janar. Gazeta britanike tha se arriti të merrte një kopje të librit pavarësisht “masave të rrepta të sigurisë përpara botimit”.

LEXONI GJITHASHTU:

• “Nuk kam turp për këtë”, Princi Harry: Kam vrarë 25 njerëz në Afganistan
• Princi Harry pranon se ka marrë kokainë në moshën 17-vjeçare