English

Prioritetet e votuesve europianë, sondazhi: Rritja ekonomike dhe ulja e çmimeve

KOMENTE

SHPERNDAJE
ARTIKULLIN

Text sizeAa Aa

Paqëndrueshmëri ekonomike, çmime të larta dhe tkurrje e mbrojtjes sociale. Kërkesa për një Evropë më sociale sa vjen e rritet në BE, me fokus në Evropën jugore. Kështu thotë një sondazh i kryer nga kompania IPSOS për llogari të Euronews, pas atij mbi fuqinë politike të partive evropiane, i realizuar në 18 shtete. Sipas anketës, portugezët janë populli më i shqetësuar nga rritja e kostos së jetesës.

- Advertisement -

Sidoqoftë, 68 për qind e evropianëve duan që BE të frenojë rritjen e çmimeve dhe vetëm për 7 për qind të votuesve potencialë inflacioni nuk është një prioritet. Finlandezët janë populli më pak i shqetësuar për koston e jetesës.

Shenjë e kohës së krizës është se qytetarët e Unionit kanë ndjesinë e varfërimit të përgjithshëm. 64% e njerëzve duan që BE të shpëtojë të drejtat e tyre sociale dhe të reduktojë pabarazitë. Vetëm 8 për qind janë kundër. Në këtë aspekt, portugezët janë sërish në krye, ndërsa polakët më pak të shqetësuarit.

Prioriteti i tretë i votuesve është rritja ekonomike. 62 për qind e të anketuarve kërkojnë që ligjvënësit e BE-së të marrin masa efikase për të nxitur rritjen. Në këtë aspekt, holandezët janë më pak të prirurit të mbështesin një ndërhyrje të bllokut. Ndërsa lufta kundër papunësisë vjen e katërta, e ndjekur nga kërkesa për të luftuar emigracionin ilegal.

Çështjet sociale nuk janë prioritet vetëm për votuesit e së majtës dhe qendrës së majtë. Konservatorët e moderuar, liberalët dhe votuesit e së djathtës duket se kërkojnë këtë herë një ndërhyrje legjislative social-ekonomike më të fortë se në zgjedhjet e kaluara.

Një shumicë e theksuar e votuesve të grupit Reformatorët dhe Konservatorët Evropianë dhe ata të Identitet dhe Demokraci kërkojnë masa kundër inflacionit. Ndërsa kur bëhet fjalë për pabarazinë dhe mbrojtjen sociale, zgjedhësit e së majtës dhe qendrës së majtë janë më kërkues.

Shumica e votuesve të Koalicionit të Madh, ku bëjnë pjese PPE, Social-Demokratët dhe Ripërtëritja, kërkojnë masa më rigoroze kur bëhet fjalë për rritjen ekonomike.

Çështjet sociale dhe ekonomike janë shqetësimet e prekshme të partive. Liderët e BE për 5 vitet e ardhshme duhet të gjejnë një zgjidhje për t’u përballur me kërkesat e qytetarëve, që kërkojnë më shumë shpenzime publike dhe një disiplinë më të fortë fiskale dhe buxhetore se në vitet e kaluara.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?