Prodhuesit e luleshtrydhes në Fier: Shteti të na ndihmojë me subvencione

Luleshtrydhja është një ndër prodhimet kryesore të bujqësisë që shkon për eksport. Zona e Frakullës dhe Kafarajt në Fier njihen si prodhuesit kryesor të saj.

Me gjithë zhvillimet dhe luahatjet e tregut ndër vite fermerët vazhdojnë t’i qëndrojnë besnik kultivimit të saj. Ata shprehen se nevojitet më shumë vëmendje dhe mbështetje me subvencione. Kriteri mbi sipërfaqen për të përfituar mbështetje vë në vështirësi prodhuesit e vegjël.

“Për momentin çmimi mirë ka qenë 2 mijë 3 mijë për kg. Sot e merr eksporti me 2 e 800. Është hapur rruga se dje e pardje ishte bllokadë dhe donte arkën me 10 mijë lekë, po nuk qe rruga e hapur ne jemi të falimentuar. Me 2 mijë lekë nuk nxjerrim dot shpenzimet. Do ishte gjë e mirë të subvencionohej po kërkojnë nga 1 hektar e lart. Nuk i bëjmë dot 1 hektar sera ne më të vegjlit bëjmë nga 2-3 dynum dhe nuk kujtohet njeri. Në bazë të prodhimit aq sa ke”, tha për Euroneës Albania një fermer.

Një tjetër problem është edhe ai që lidhet me kostot mbi blerjen e plastmasit cilësor.

“Kushtet të ishin më të mira se për ngrohje nuk arrijmë dot. Për ngrohje jo e jo por të ishte cilësia e plasasit më e mirë, se ne ngaqë nuk kemi marrim plastmas pak më të dobët nuk marrim më të mirin. Të ishte e kontrolluar si për plastmasit dhe fidanin të vinte një markë e mirë që e do zona këtu. Se mbjellim disa lloj dhe nuk e dim si dalin. Të kishte agronom, si dhe të kishte një laborator këtu”, tha një tjetër fermer.

Sipas kultivuesve të këtij fruti mjaft të kërkuar në treg ka ardhur momenti që në zonë të investohet për ngritjen e një fabrike përpunimi e cila do të mund të prodhonte lëngje dhe nënprodukte të tjera të këtij fruti. Kjo do të ishte një alternative për të mos çuar dëm prodhimin që mbetet pa shitur në treg.

Për shkak të prodhimit cilësor lyleshtrydhja shqiptare gjendet në mjaft tregje europiane.